എന്തിനാണ് ബഹുജൻ പ്രോജക്റ്റ്?

കേരളത്തിന്റെ പൊതുബോധത്തിൽ ബഹുജൻ ചരിത്രം പലപ്പോഴും അടിക്കുറിപ്പുകളിലാണ് — വലിയ ആഖ്യാനങ്ങളുടെ ഓരത്ത്, ഒറ്റ വാചകങ്ങളിൽ. ആ അടിക്കുറിപ്പുകളെ പ്രധാന വാചകങ്ങളാക്കുക എന്നതാണ് ഈ പ്രോജക്റ്റിന്റെ ലക്ഷ്യം.

ഇവിടെ എഴുതുന്നത് ഗവേഷണ പ്രബന്ധങ്ങളല്ല; വായിക്കാവുന്ന, പങ്കുവയ്ക്കാവുന്ന, സംസാരിക്കാവുന്ന കുറിപ്പുകളാണ്. ചരിത്രം, പുസ്തകങ്ങൾ, സിനിമ, വിദ്യാഭ്യാസം — ബഹുജൻ ജീവിതത്തെ തൊടുന്ന എന്തും ഇവിടത്തെ വിഷയമാണ്.

മിക്ക കുറിപ്പുകളും മലയാളത്തിലായിരിക്കും; ചിലത് ഇംഗ്ലീഷിലും. രണ്ടു ഭാഷയും ഇവിടെ തുല്യ പൗരന്മാരാണ്.